Almaniyada çıxan “Frankfurter Algemayne Saytunq” qəzeti Azərbaycan əsgərinin öldürülməsi barədə yazıb
Berlin, 11 dekabr, AZƏRTAC
Almaniyada çıxan “Frankfurter Algemayne Saytunq” qəzeti AFP agentliyinə istinadla Ermənistan silahlı qüvvələrinin növbəti təxribatı və Azərbaycan əsgərinin öldürülməsi barədə yazıb.
AZƏRTAC xəbər verir ki, qəzet Azərbaycan Müdafiə Nazirliyinin press-relizinə istinadla “Ermənistan- Azərbaycan sərhədində atışma zamanı bir nəfər Azərbaycan əsgərinin öldürülməsi” barədə yazıb. Bildirilir ki, həmin hərbi qulluqçu erməni əsgərləri tərəfindən dekabrın 9-da axşam vaxtı güllələnib.
Qəzet Azərbaycan Müdafiə Nazirliyinin məlumatını sitat gətirir: “İnsident qonşu ölkənin silahlı qüvvələri tərəfindən törədilmiş təxribat nəticəsində baş verib”.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
