ALMANİYADA NEOFAŞİSTLƏR AZĞINLAŞIRLAR
Polisin verdiyi məlumatlara görə, ötən il Türingiya əyalətində dəfələrlə yəhudi qəbiristanlıqlarını viranəyə çevirən sağ ekstremistlər bu il avqustun 17-də yenə də həmin əyalətdə digər yəhudi məzarlığında 22 qəbri dağıtmış, baş daşlarını sındırmış, yüzlərcə məzar üzərində faşist nişanı həkk etmişlər.
“Berliner Saytunq” qəzeti 18 avqust tarixli nömrəsində türk icmasını xəbərdar edərək yazır ki, sağ ekstremistlər, hər il olduğu kimi, bu il də 150 mindən artıq türkün yığcam şəkildə məskunlaşdığı Kroytsberq bölgəsinə dağıdıcı yürüşə hazırlaşır. Yürüş sentyabrın 11-nə nəzərdə tutulmuşdur. Neofaşistlərin hədəli bildirişinə görə, həmin gün yüzlərcə sağ ekstremist “Rədd olsun islam mərkəzləri”, “Berlin yalnız almanlara məxsusdur” şüarları və çağırışları ilə müsəlmanlar üzərinə yürüş edəcəklər.
Qəzet yazır ki, görəsən polisin həmin gün qarşıdurmanın qarşısını almağa cəsarəti çatacaqmı. Ötən illərdə Kroytsberqdə baş verən ixtişaşlar zamanı onlarca polis ciddi bədən xəsarəti almış, polisə və vətəndaşlara məxsus avtomaşınlar yandırılmışdır.
Bölmənin digər xəbərləri
