Almaniyanın avtomobil sənayesində iqtisadi geriləmə qeydə alınıb
Bakı, 26 oktyabr, AZƏRTAC
Almaniyanın avtomobil istehsalçısı “Mercedes-Benz”in gəlirində üçüncü rübdə tədarük problemləri və sərtləşən rəqabət səbəbindən geriləmə qeydə alınıb.
AZƏRTAC Anadoluya istinadla xəbər verir ki, şirkətin iyul-sentyabr aylarında əməliyyat mənfəəti keçən ilin eyni dövrü ilə müqayisədə 8 faiz azalaraq 4,9 milyard avroya düşüb. Həmin dövrdə satışlar 1,4 faiz azalaraq 37,2 milyard avro olub.
Artan faiz dərəcələri və kredit riskləri mobillik maliyyəsi bölməsində mənfəətin üçdəbirdən çox azalmasına səbəb olub.
Bundan başqa, alman istehsalçının vasitə tədarükləri üçüncü rübdə keçən ilin eyni rübünə görə 3,7 faiz azalaraq 510 min 564 ədəd azalıb.
Bu ilin yanvar-sentyabr aylarında tədarüklər keçən ilin eyni dövrü ilə müqayisədə 2 faiz artaraq 1 milyon 529 min 800 ədədə çatıb.
Şirkət bu il avtomobil satışlarında mənfəət marjasının 12-14 faiz aralığında olacağını gözlədiyini bildirib.
Bölmənin digər xəbərləri
