Alonso gələcəyini növbəti mövsümdə müəyyən edəcək
Bakı, 9 iyun, AZƏRTAC
Fernando Alonso “Skuderiya Ferrari”ni tərk edəndən sonra “McLaren” ilə üçillik müqavilə imzalayıb. Müqavilənin müddəti 2017-ci ilin sonunda bitir. İspaniyalı sonra nə edəcəyini hələ qərara almayıb.
Fernando Alonso deyib: “İndi mən maşın sürməkdən zövq alıram. Bu, mənim həyatımdır və yaxşı bacardığım yeganə işdir. Əgər gələn il yarışmaq maşının yetərincə rəqabətə davamlı olmaması səbəbindən ürəyimi açmasa, başqa seriyaya keçəcəyəm. Növbəti hədəfim “Le-Manın 24 saatı” marafonunu udmaqdır”.
İspaniyalı yürüşçü 2014-cü ilin sonunda “Ferrari”ni tərk etmək qərarını bir daha şərh edərək deyib: “Mən düzgün hərəkət etdim, çünki dalbadal altı-yeddi il “Red Bull” və “Mersedes”ə uduzmaq çox ağır idi. Bu il “Ferrari” əvvəlkindən yaxşı çıxış edir. Onlar 2015-ci ildə üç qələbə qazanıblar, hazırda “Mersedes”dən o qədər də geri qalmırlar. “Ferrari” hər şeyi düzgün edir, amma “Mersedes” çox güclüdür. 2014-cü ildə hibrid güc qurğularına keçidin üstünlüyü o qədər böyükdür ki, indiyədək öz təsirini saxlayır. Amma 2017-ci ildə reqlament dəyişiklikləri qüvvələr nisbətini dəyişə bilər”.
Bölmənin digər xəbərləri
