Altı ay ərzində Azərbaycanda 17 min 841 cütlük nikaha daxil olub
Bakı, 19 avqust, AZƏRTAC
Bu ilin ilk altı ayı ərzində Ədliyyə Nazirliyinin rayon (şəhər) qeydiyyat şöbələri tərəfindən 17 min 841 nikah və 7107 boşanma halı qeydə alınıb. Əhalinin hər 1000 nəfərinə nikahların sayı 3,6, boşanmaların sayı isə 1,4 olub.
Bu barədə AZƏRTAC-a Dövlət Statistika Komitəsindən məlumat verilib.
Bununla yanaşı, yanvar-iyun aylarında Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 820 nəfər gələn və ölkədən 374 nəfər gedən qeydə alınıb. Ölkə üzrə miqrasiya saldosu müsbət 446 nəfər təşkil edib.
Bölmənin digər xəbərləri
