AMEA-nın “Xəbərlər” jurnalında Azərbaycan Xalq Cümhuriyyətinə xüsusi buraxılış həsr edilib
Bakı, 1 mart, AZƏRTAC
Azərbaycan Milli Elmlər Akademiyasının (AMEA) “Xəbərlər (ictimai elmlər seriyası)” jurnalının xüsusi buraxılışı çapdan çıxıb. Jurnal Azərbaycan Xalq Cümhuriyyətinin (AXC) 100 illiyinə həsr olunub.
AMEA-dan AZƏRTAC-a bildirilib ki, xüsusi buraxılışda 20-dən artıq yerli və xarici tədqiqatçının AXC tarixi ilə bağlı məqaləsi dərc olunub. Azərbaycan, Fransa, Rusiya, Türkiyə alimlərinin araşdırmalarında müstəqillik ərəfəsində Azərbaycanda daxili və xarici vəziyyət, Cümhuriyyətin elan olunması, AXC dövrünün hərbi-siyasi, sosial-iqtisadi məsələləri, milli hökumətin xarici siyasəti və digər problemlərə toxunulub, yeni arxiv mənbələri elmi dövriyyəyə gətirilib.
Bölmənin digər xəbərləri
