AMERİKA AZƏRBAYCANLILARI DÖVLƏT DEPARTAMENTİNİN QARŞISINDA ETİRAZ AKSİYASI KEÇİRMİŞLƏR
İnsan hüquqlarının müdafiəçisi kimi ABŞ hökuməti İrandakı azərbaycanlıların taleyinə göz yummamalıdır. Amerikanın Azərbaycan icmasının üzvləri Dövlət Departamenti qarşısında belə tələblə etiraz aksiyası keçirmişlər.
Son günlər İranın Təbriz, Urmiya, Sulduz və digər şəhərlərindən gələn həyəcanlı xəbərləri Dövlət Departamentinin diqqətinə çatdıran Azərbaycan icmasının üzvləri Buş hökumətini buna münasibət bildirməyə və hadisələri Amerika mediasında geniş və obyektiv işıqlandırmağa çağırmışlar.
Daha sonra etiraz aksiyası “Amerikanın səsi” radiostansiyası qarşısında davam etdirilmişdir. Aksiya iştirakçıları radiostansiyanın fars şöbəsindən İranda baş verənləri obyektiv işıqlandırmağı tələb etmişlər.
Bölmənin digər xəbərləri
