AQTA Ucarda məktəbəqədər təhsil müəssisələrinin məsul şəxsləri ilə görüş keçirib
Bakı, 19 noyabr, AZƏRTAC
Qida Təhlükəsizliyi Agentliyi (AQTA) mütəxəssisləri Ucar Rayon İcra Hakimiyyətinin əməkdaşları ilə birgə rayonda fəaliyyət göstərən məktəbəqədər təhsil müəssisələrinin məsul şəxslərinin iştirakı ilə görüş keçiriblər.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, məktəbəqədər təhsil müəssisələrində qidalanma rejiminin təşkili, ərzağın keyfiyyəti, qida bloklarının sanitar-texniki və sanitar-gigiyenik vəziyyəti, qida təhlükəsizliyi tələblərinə əməl olunmasının zəruriliyi görüş iştirakçılarının diqqətinə çatdırılıb.
Görüşdə təqdimatlar nümayiş etdirilib və məktəbəqədər təhsil müəssisələrinin işçilərinə qida təhlükəsizliyi ilə bağlı metodiki göstərişlər verilib, iştirakçıların sualları mütəxəssislər tərəfindən cavablandırılıb.
Bölmənin digər xəbərləri
