Ararat Mirzoyan: ABŞ və Ermənistan "Tramp marşrutu" ilə əlaqədar birgə müəssisə yaradacaqlar
Tbilisi, 14 oktyabr, AZƏRTAC
ABŞ və Ermənistan "Tramp marşrutu" (TRIPP) - “Zəngəzur dəhlizi” üzrə birgə müəssisə yaradacaqlar.
AZƏRTAC xəbər verir ki, bu sözləri Ermənistanın xarici işlər naziri Ararat Mirzoyan İrəvanda ATƏT-in sədri, Finlandiyanın xarici işlər naziri Elina Valtonen ilə birgə mətbuat konfransında söyləyib.
Onun sözlərinə görə, bu marşrut bır sıra prinsiplərə əsaslanacaq. Bu prinsiplərə ərazi bütövlüyü, sərhədlərin toxunulmazlığı, suverenlik, ölkələrin ərazilərindəki infrastrukturlara dair yurisdiksiyası və s. daxildir. Bu, TRIPP də daxil olmaqla, bütün kommunikasiyaların açılmasına aiddir.
XİN rəhbəri qeyd edib ki, TRIPP-in Ermənistan hissəsinin texniki detalları Ermənistan və ABŞ tərəfindən razılaşdırılmalıdır. Hər şey razılaşdırıldıqdan sonra şərtlər dərc olunacaq, bu dəmir yolunun tikintisi və istismarı üçün erməni-amerikan birgə müəssisəsi yaradılacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
