Asiya İnkişaf Bankına Gürcüstanın Maliyyə naziri rəhbərlik edəcək
Tbilisi, 18 sentyabr, AZƏRTAC
Sentyabrın 17-18-də Asiya İnkişaf Bankının (ADB) onlayn formatda 53-cü illik toplantısı keçirilib. Toplantıda təşkilati məsələyə də baxılıb.
AZƏRTAC xəbər verir ki, bu barədə Gürcüstanın Maliyyə Nazirliyi məlumat yayıb. Bildirilir ki, iclasda ADB-nin idarə heyətinə seçkilər keçirilib, bir sıra mühüm qərarlar qəbul olunub.
Gürcüstanın Maliyyə naziri İvane Maçavarini bir il müddətinə ADB-nin idarə heyətinin sədri seçilib.
Bundan başqa, ADB-nin illik toplantısının gələn il Gürcüstanda keçirilməsi barədə qərar qəbul olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
