ASİYA-SAKİT OKEAN İQTİSADİ ƏMƏKDAŞLIQ TƏŞKİLATI ÖLKƏLƏRİNİN LİDERLƏRİ NEFTİN QİYMƏTİNİN QALXMASINDAN NARAHATDIRLAR
Pusan forumunun yekun sənədində deyilir: “Biz enerji daşıyıcıları bazarında eyni zamanda həm tələb, həm də təkliflə bağlı cavab addımları atmaq, o cümlədən sərmayələri artırmaq, transsərhəd ticarətini genişləndirmək və regionun asılılığını azaltmaq, onu enerji daşıyıcıları ilə təmin etmək məqsədi ilə enerji texnologiyalarının inkişafını sürətləndirmək barədə razılığa gəlmişik”.
21 ölkənin, o cümlədən ABŞ, Rusiya, Çin və Yaponiyanın daxil olduğu ASİƏ təşkilatı liderlərinin fikrincə, enerji ehtiyatlarını elə yolla artırmaq lazımdır ki, bu, yoxsulluğun aradan qaldırılmasına, iqtisadi yüksəlişin təmin edilməsinə və ətraf mühitin çirklənməsi səviyyəsinin aşağı salınması, habelə iqlim dəyişmələri ilə bağlı problemlərin həlli işlərinə təsir göstərsin.
