ASK: Qarabağ iqtisadi rayonunda qeydiyyatdan keçən sahibkarların 5,2 faizi qadınlardır
Bakı, 20 may, AZƏRTAC
Qarabağ iqtisadi rayonunda qeydiyyatdan keçən fərdi sahibkarlıq subyektlərinin 5,2 faizi qadınlardır.
AZƏRTAC xəbər verir ki, bu sözləri Azərbaycan Sahibkarlar Konfederasiyasının (ASK) prezidenti Məmməd Musayev Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Bakıda keçirilən 10-cu biznes-forumunda çıxışı zamanı deyib.
O bildirib ki, Azərbaycanda fəaliyyət göstərən sahibkar qadınların 28,6 faizi Bakıda, 10 faizi Lənkəran-Astara, 9,6 faizi Qazax-Tovuz iqtisadi rayonlarında qeydiyyatdan keçib.
“Qarabağ iqtisadi rayonunda qeydiyyatdan keçən fərdi sahibkarlıq subyektlərinin isə 5,2 faizi qadınlara məxsusdur. Bu qürurverici göstəricidir və əminik ki, onların sayı getdikcə artacaq”, - deyə M.Musayev vurğulayıb.
Bölmənin digər xəbərləri
