AŞPA BÜROSUNUN NÖVBƏTİ İCLASI SENTYABRIN 6-DA OSLO ŞƏHƏRİNDƏ KEÇİRİLƏCƏK
Milli Məclisin beynəlxalq münasibətlər və parlamentlərarası əlaqələr daimi komissiyasının sədri, AŞPA Azərbaycan nümayəndə heyətinin rəhbəri Səməd Seyidov AZƏRTAC-ın müxbirinə demişdir ki, büronun yeni baş katibi Terri Devisin rəhbərliyi ilə keçiriləcək bu iclasda Azərbaycanla bağlı öhdəliklərin yerinə yetirilməsi, siyasi məhbus adlandırılan şəxslərin məsələləri də müzakirə olunacaqdır. Sentyabrın 6-da Daimi Komitənin də iclası keçiriləcək. Büronun və Komitənin iclaslarında öz təsdiqini tapmış məsələlər AŞPA-nın sentyabrın sonunda keçiriləcək sessiyasının gündəliyinə daxil ediləcək.
Azərbaycanın nümayəndə heyəti hər iki iclasda iştirak edəcəkdir.
Səməd Seyidov onu da bildirmişdir ki, AŞPA-nın Dağlıq Qarabağ münaqişəsi üzrə məruzəçisi Terri Devisin yerinə yeni məruzəçinin təyin olunması məsələsi də gündəlikdədir. Amma bu məsələ bir qədər gec həllini tapacaqdır. Ona görə ki, yeni məruzəçi münaqişə tərəfləri ilə razılaşdırıldıqdan sonra təsdiq oluna bilər.
Bölmənin digər xəbərləri
