AŞQARLAR KİMYASI İNSTİTUTU YÜKSƏK BEYNƏLXALQ MÜKAFATA LAYİQ GÖRÜLMÜŞDÜR
Milli Elmlər Akademiyasının Aşqarlar Kimyası İnstitutu iqamətgahı Madriddə yerləşən “Biznes təşəbbüslərinin istiqaməti” beynəlxalq təşkilatının “Keyfiyyətin zirvəsi” mükafatına layiq görülmüşdür. İnstitutun direktoru, MEA-nın müxbir üzvü Vaqif Fərzəliyev bildirmişdir ki, bu mötəbər mükafatı qazanmaq uğrunda müsabiqədə 165 ölkənin müəssisə və elmi təşkilatları iştirak edirdilər. Qaliblər kütləvi informasiya vasitələri və tədqiqat mərkəzlərinin, yarmarkaların rəyləri, İnternetdə keçirilmiş makrosorğular əsasında müəyyənləşdirilmişdir. Mükafat sentyabrın 28-də Cenevrədə təqdim olunacaqdır.
Xatırladaq ki, institut 2001-ci ilin iyulunda həmin təşkilat tərəfindən qızıl mükafatla da təltif edilmişdir.
Bölmənin digər xəbərləri
