Astana İrana dair danışıqlara ev sahibliyi etməyə hazırdır
Astana, 3 mart, AZƏRTAC
Qazaxıstan İranla bağlı danışıqlar üçün platforma təqdim etməyə hazırdır.
AZƏRTAC Qazaxıstan mediasına istinadla xəbər verir ki, bu barədə xarici işlər nazirinin müavini Alibek Bakayev bildirib.
“Biz artıq bir çox məkan, xüsusən də İranla bağlı platformalar təqdim etmişik. Əvvəllər də Almatıda bu məsələnin həllinə əhəmiyyətli töhfə verən platforma təqdim olunmuşdu”, -deyə Bakayev bildirib.
O qeyd edib ki, Qazaxıstanda Suriya hökuməti ilə müxalifət arasında 20-dən çox danışıqlar raundu keçirilib və bu, münaqişənin gərginliyinin azaldılmasına kömək edib. Qazaxıstan tələb olunarsa, yeni danışıqlar təklifini diqqətlə nəzərdən keçirməyə hazırdır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
