Astarada 20 Yanvar şəhidlərinin xatirəsinə həsr olunmuş kross üzrə rayon birinciliyi keçirilmişdir
Astara, 18 yanvar (AZƏRTAC). Astara şəhərində 20 Yanvar şəhidlərinin xatirəsinə həsr olunmuş 3 kilometr məsafəyə kross qaçışı üzrə rayon birinciliyi keçirilmişdir.
AZƏRTAC xəbər verir ki, rayon gənclər və idman idarəsinin təşkilatçılığı ilə keçirilən birincilikdə 15 komandanı təmsil edən 150 idmançı mübarizə aparmışdır.
Kişilərin mübarizəsində Arif Quliyev, Əli Şahverdiyev və Neyməddin Qənizadə, qızların yarışında isə Sevinc İsayeva, Ravina Salmanova və Türkan Həbibova müvafiq olaraq birinci, ikinci və üçüncü yerləri tutmuşlar.
Qaliblərə medallar, diplomlar və hədiyyələr təqdim edilmişdir.
Bölmənin digər xəbərləri
