ASTARADA ALİ MƏKTƏBLƏRƏ QƏBUL OLMUŞ TƏLƏBƏLƏRLƏ GÖRÜŞ KEÇİRİLMİŞDİR
Tədbirin iştirakçıları əvvəlcə Qarabağ döyüşlərində həlak olan astaralıların xatirə kompleksini ziyarət etmiş, şəhidlərin ruhunu ehtiramla, gül-çiçəklə yad etmişlər.
Təhsil şöbəsinin müdiri Qızbəs Məmmədova toplantıda çıxış edərək 2003-2004-cü tədris ilində rayonun məktəblərində qazanılmış nailiyyətlərdən danışmış, ölkəmizin müxtəlif ali məktəblərinə sənəd verən 335 astaralı məzundan 150 nəfərinin tələbə adını qazandığını, onlardan 10 nəfərinin qəbul imtahanlarında 500-dən yuxarı, bir nəfərinin isə 648 bal topladığını diqqətə çatdırmışdir.
Rayon ağsaqqallarının, gənclərin, ziyalıların və ictimaiyyətin nümayədələri tələbə adını qazanan gəncləri təbrik etmiş, onlara ən xoş arzularını bildirmişlər.
Milli Məclisin deputatı İsgəndər Quliyev görüşdə çıxış edərək respublikamızda təhsilə göstərilən dövlət qayğısından, bu sahədə hayata keçirilən tədbirlərdən söhbət açmış, Prezident İlham Əliyevin avqustun 21-də imzaladığı Fərman və Sərəncamı ölkəmizdə təhsilin inkişafında yeni mərhələ kimi qiymətləndirmişdir.
Bölmənin digər xəbərləri
