ATƏT GÜRCÜ-OSETİN MÜNAQİŞƏSİNİN GƏRGİNLƏŞMƏSİNDƏN NARAHATDIR
AZƏRTAC xəbər verir ki, Avropada Təhlükəsizlik və Əməkdaşlıq Təşkilatının (ATƏT) hazırkı sədri, Bolqarıstanın xarici işlər naziri Solomon Pasi bəyanat verərək, Gürcüstan-Cənubi Osetiya münaqişəsinin gərginləşməsindən narahat olduğunu bildirmişdir. Onun ATƏT Katibliyi tərəfindən Vyanada yayılmış bəyanatında deyilir ki, “Gürcüstan-Cənubi Osetiya münaqişəsi zonasında hərbi əməliyyatların güclənməsi və adamların tələf olması çox ciddi pislənilməlidir. Münaqişənin dayandırılması üçün ən ciddi tədbirlər görülməlidir”.
Onun fikrincə, münaqişə zonasında qanunsuz silahlı birləşmələrin və “mülki müdafiə” qüvvələrinin olması bölgədə gərginliyin zəiflədilməsi və münaqişənin aradan qaldırılması üçün başlıca maneədir.
S.Pasi münaqişə tərəflərinə danışıqlar aparmağı, hərbi və digər toqquşmaların qarşısını almaq üçün səmərəli tədbirlər görməyi təklif etmişdir.
Bölmənin digər xəbərləri
