ATİ-nin Bakı Turizm Peşə Məktəbi ilk şagird qəbuluna başlayır
Bakı, 10 yanvar (AzərTA). Ölkəmizdə ilk dəfə olaraq Azərbaycan Turizm İnstitutunun (ATİ) nəzdində 11 nömrəli Bakı Peşə Litseyinin bazasında Bakı Turizm Peşə Məktəbinin yaradılması və şagird qəbulu prosesinə başlanmışdır.
ATİ-dən AZƏRTAC-a bildirmişlər ki, Bakı Turizm Peşə Məktəbində əsasən turizm agenti, aşbaz, barmen, bufetçi, xörək paylayan milli park bələdçisi, dağ-xizək turizm növü üzrə bələdçi, bərbər, mühasib, fərdi kompyuter operatoru, əməliyyatçı mühasib, ekoloji turizm bələdçisi, kimyəvi təmizləmə aparatçısı ixtisasları üzrə kadr hazırlanacaqdır.
Məktəbdə təhsil müddəti 1 il olmaqla, dərslər Azərbaycan və rus dillərində keçiriləcəkdir. Burada təhsil almaq istəyənlər sənədlərini yanvarın 12-dən fevralın 12-dək ATİ-yə və Bakı Turizm Peşə Məktəbinə təqdim edə bilərlər.
Bölmənin digər xəbərləri
