İDMAN
Avarçəkmə üzrə “Mingəçevir Reqatası-2023”də 8 ölkənin komandası yarışacaq
![Avarçəkmə üzrə “Mingəçevir Reqatası-2023”də 8 ölkənin komandası yarışacaq](/files/2023/3/1200x630/16980465394949440986_1200x630.jpg)
Bakı, 23 oktyabr, AZƏRTAC
Gənclər və İdman Nazirliyi, Azərbaycan Kanoe və Avarçəkmə Federasiyasının birgə təşkilatçılığı ilə keçiriləcək “Mingəçevir Reqatası-2023”də iştirak edəcək ölkələr müəyyənləşib.
Azərbaycan Kanoe və Avarçəkmə Federasiyasından AZƏRTAC-a verilən məlumata görə, “Kür” Olimpiya Tədris-İdman Mərkəzində təşkil olunacaq yarışda 8 ölkə - Azərbaycan, Gürcüstan, Qazaxıstan, Litva, Polşa, Türkiyə, Ukrayna və Özbəkistandan ümumilikdə 14 komanda mübarizə aparacaq.
Yarışda 2005-2010-cu il təvəllüdlü 100-dən artıq idmançı iştirak edəcək. Federasiyanın bu yaş kateqoriyalarına üstünlük verməyinin əsas səbəbi seçim prosesi aparmaqla qarşıdakı illər üçün rəqabətədavamlı yığma komandanın formalaşdırılmasıdır.
Qeyd edək ki, 25-27 oktyabr tarixlərində baş tutacaq “Mingəçevir Reqatası-2023” turniri ardıcıl iki ildir Avropa Kanoe Assosiasiyasının (ECA) təqvim planına daxil edilir.