AVROPA BİRLİYİNİN BƏRPA PROQRAMININ 5-Cİ MƏRHƏLƏSİ BAŞA ÇATMIŞDIR
Proqramın texniki nəzarət qrupundan AZƏRTAC-ın müxbirinə bildirmişlər ki, ötən ilin iyulundan başlanan bu mərhələnin icrası üçün Avropa Komissiyası tərəfindən ayrılmış 3,7 milyon avro hesabına Füzulidə 550 ev, Ağcabədidə 3 məktəb, 43 içməli su və irriqasiya quyusu, Ağcabədi-İmişli elektrik xətti və Qazax rayon elektrik sisteminin bir hissəsi bərpa olunmuşdur.
Qeyd edək ki, Proqramın əvvəlki dörd mərhələsində Ağdamın Xındırıstan kəndində yeni nasos stansiyası tikilmiş, 20,5 kilometr uzunluğunda 110 kilovoltluq Haramı-Şükürbəyli elektrik xətti çəkilmiş, Füzulidə 10 məktəb, Horadiz qəsəbəsində 350 yaşayış evi, mədəniyyət mərkəzi və 480 yerlik məktəb bərpa edilmişdi.
