Avropa çempionatı: Azərbaycanın qadın güləşçisi yarımfinala yüksəlib
Bakı, 22 aprel, AZƏRTAC
Azərbaycan güləşçisi Günay Qurbanova Albaniyanın paytaxtı Tiranada keçirilən Avropa çempionatında yarımfinala yüksəlib.
AZƏRTAC xəbər verir ki, 59 kiloqram çəki dərəcəsində mübarizə aparan idmançı 1/4 finalda almaniyalı Elena Bruqqeri məğlub edib.
Digər qadın güləşçi Elnurə Məmmədova isə (50 kiloqram) təsnifat mərhələsində polşalı Aqata Valerzakaya uduzub.
Bu gün, həmçinin yunan-Roma güləşçilərindən Həsrət Cəfərov (67 kiloqram) və Qurban Qurbanov (82 kiloqram) qızıl, Nihat Məmmədli (60 kiloqram) isə bürünc medal uğrunda görüşdə qüvvəsini sınayacaq.
Qeyd edək ki, Azərbaycan aprelin 26-dək davam edəcək Avropa çempionatında 25 güləşçi ilə təmsil olunur. Daha əvvəl yunan-Roma güləşçilərindən Rəşad Məmmədov (55 kiloqram) və İslam Abbasov (87 kiloqram) bürünc medal qazanıblar.
Bölmənin digər xəbərləri
