Avropa çempionatında iştirak edəcək Azərbaycan cüdoçuları ilə görüş keçirilib
Bakı, 23 iyun, AZƏRTAC
Şimali Makedoniyanın paytaxtı Skopyedə yeniyetmə cüdoçular arasında Avropa çempionatında iştirak edəcək Azərbaycan millisinin üzvləri ilə görüş keçirilib.
Azərbaycan Cüdo Federasiyasından (ACF) AZƏRTAC-a bildirilib ki, görüşdə iştirak edən ACF-nin vitse-prezidenti Elnur Məmmədli, icraçı vitse-prezident Rəşad Rəsullu, prezidentin müşaviri Natiq Bağırov idmançılara olan etimadlarını ifadə edib, onlardan Avropa çempionatında uğurlu nəticələr gözlədiklərini vurğulayıblar. Cüdoçulara, həmçinin qarşıdakı yarışla bağlı tövsiyələr verilib.
Qeyd edək ki, iyunun 26–29-da keçiriləcək qitə birinciliyində Azərbaycanı ümumilikdə 14 çəki dərəcəsində 19 idmançı (10 oğlan, 9 qız) fərdi mübarizədə təmsil edəcək. Ölkəmiz turnirin son günündə qarışıq komanda yarışında da mübarizə aparacaq.
Bölmənin digər xəbərləri
