Avropa Komissiyası “TikTok”a dizaynına görə xəbərdarlıq edib
Berlin, 6 fevral, AZƏRTAC
Avropa Komissiyası “TikTok”a asılılıq riski yaradan dizaynına görə xəbərdarlıq edib.
AZƏRTAC xəbər verir ki, komissiyanın ilkin qiymətləndirməsinə görə, platformadakı “Infinite Scroll”, “Autoplay” və fərdiləşdirilmiş tövsiyə alqoritmi istifadəçilərin özünü idarəetməsini zəiflədir və asılılıq yaradır. Bu xüsusiyyətlər xüsusilə azyaşlılar, həmçinin asılılığa meyilli yetkinlər üçün zərərli hesab edilir.
“TikTok”un ekran vaxtı idarəsi və valideyn nəzarət alətləri mövcud olsa da, komissiya bunları səmərəsiz hesab edir. Tələbə əsasən, platformanın dizaynında əsaslı dəyişikliklər edilməli, o cümlədən avtomatik ekran fasilələri tətbiq olunmalı və “Infinite Scroll” funksiyası ləğv edilməlidir.
Əgər “TikTok” tələbləri yerinə yetirməsə, şirkət illik qlobal gəlirinin 6 faizi həcmində cərimə ilə üzləşə bilər.
“TikTok” iddialara cavab vermək üçün vaxt alıb və şirkət nəticələrə qarşı mübarizə aparacağını açıqlayıb.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
