Aygün Əliyeva: Qrant müsabiqəsinin qalibi olan 24 layihə rəhbərinin əksəriyyəti irəvanlıdır
Bakı, 26 oktyabr, AZƏRTAC
Qərbi Azərbaycanla bağlı istənilən layihə gözəl təşəbbüs kimi hamımız tərəfindən dəstəklənir. Hər ötən gün bizi Qərbi Azərbaycana qovuşmağa doğru aparır.
AZƏRTAC xəbər verir ki, bu sözləri Qeyri-hökumət Təşkilatlarına (QHT) Dövlət Dəstəyi Agentliyinin İcraçı direktoru Aygün Əliyeva “Qədim İrəvan: Hər daşı bir abidə” adlı sənədli filmin təqdimat mərasimində deyib.
Ulu Öndər Heydər Əliyevin 100 illik yubileyi ilində keçirilən tədbirlərin xüsusi önəm daşıdığını qeyd edən A.Əliyeva Ümummilli Liderin və xalqımızın Qərbi Azərbaycanla bağlı arzularının artıq reallığa çevrildiyini vurğulayıb.
“Qədim İrəvan: Hər daşı bir abidə” adlı sənədli filmin ərsəyə gəlməsinin əhəmiyyətini vurğulayan Agentliyin sədri deyib: “Qərbi Azərbaycana qayıdış prosesi ilə bağlı Agentliyimiz tərəfindən elan edilən qrant müsabiqəsinə 150-yə yaxın iş təqdim olunmuşdu. Maraqlıdır ki, müsabiqənin qalibi olan 24 layihə rəhbərinin əksəriyyəti irəvanlıdır. Çünki onlar bu torpağa bizdən daha çox bağlıdırlar. Film yüksək səviyyədə və tarixi faktlar əsasında çəkilib”, - deyə Aygün Əliyeva bildirib.
Bölmənin digər xəbərləri
