Azad edilmiş girovların ikinci qrupu İsrailə qayıdıb
Bakı, 13 oktyabr, AZƏRTAC
HƏMAS hərəkatının azad etdiyi girovların ikinci qrupu - 13 israilli vətənə qayıdıb.
AZƏRTAC xəbər verir ki, bu barədə İsrail müdafiə ordusunun Teleqram kanalı məlumat yayıb. Bildirilir ki, azad edilən girovlar İsraildə xüsusi ayrılmış müəssisədə ilkin tibbi müayinədən keçəcək, daha sonra onlar ailələrinə qovuşacaqlar. Bundan bir qədər əvvəl isə azad edilmiş ilk yeddi israilli vətənə gəlmişdi.
HƏMAS ölən girovların cəsədlərini də qarşı tərəfə təhvil verməlidir.
İsrail razılaşmanın şərtlərinə uyğun olaraq, fələstinli məhbusları, o cümlədən ömürlük həbs cəzası çəkənləri həbsdən azad etməyə başlayıb.
Sülh razılaşmasının təşəbbüskarı olan ABŞ Prezidenti Donald Tramp İsrailə gəlib. “The Times of Israel” xəbər verir ki, o, Knessetdə çıxış edib və girovların ailələri ilə görüşüb.
Bölmənin digər xəbərləri
