AZAD MƏTBUAT NORMAL İNKİŞAFIN ƏSAS ELEMENTLƏRİNDƏN BİRİDİR

30.10.2006 [15:52]
Çap et
A⁺ A^-

AZƏRTAC xəbər verir ki, bu fikri Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə İsveçrənin Roman radiosu müxbirinin sualına cavabında söyləmişdir. Dövlət başçısı ölkəmizdə söz və mətbuat azadlığının mövcud olduğunu vurğulayaraq demişdir ki, Azərbaycanda azad mətbuatın təşviqi üçün bir çox işlər görülmüşdür. Azərbaycanda 500-dən artıq qəzet, bir çox televiziya kanalları, radio stansiyaları fəaliyyət göstərir, senzura yoxdur.

Prezident Beynəlxalq Sərhədsiz Reportyorlar təşkilatının bu yaxınlarda mətbuat azadlığı ilə bağlı dərc etdiyi hesabatına da münasibət bildirmiş və demişdir ki, belə reytinqlər ölkədəki real vəziyyəti əks etdirmir, bəzən şəxsi yanaşmaya və ya istənilən digər səbəblərə əsaslanır. Çünki demokratiya sahəsində aparıcı hesab olunan dövlətlərin bəziləri bu siyahının ortasında, üçüncü dünya ölkələrindən kifayət qədər aşağıdadır. Bu, o qədər də inandırıcı görünmür, gündəlik həyatımızda və ya Azərbaycandakı siyasi proseslərdə o qədər də əhəmiyyətli rol oynamır.

AZAD MƏTBUAT NORMAL İNKİŞAFIN ƏSAS ELEMENTLƏRİNDƏN BİRİDİR

MÜƏLLİFLƏ ƏLAQƏ

Bölmənin digər xəbərləri