Azər Əliyev: Ölkəmizdə qış idman növləri üzrə beynəlxalq turnirlərin daimi keçirilməsi üçün çalışacağıq
Qusar, 9 mart, AZƏRTAC
Azərbaycanda ilk dəfədir ki, qış idman növləri üzrə beynəlxalq yarış keçirilir. Ölkəmizdə belə turnirlərin daimi olması üçün çalışacağıq. Məqsədimiz budur.
AZƏRTAC xəbər verir ki, bu sözləri Milli Olimpiya Komitəsinin baş katibi Azər Əliyev “Şahdağ” Beynəlxalq Xizək Alpinizmi yarışı ilə bağlı jurnalistlərə açıqlamasında deyib.
MOK rəsmisi bugünkü yarışda Azərbaycan təmsilçilərinin uğurlu nəticə əldə etdiyini də xatırladıb: "Ümid edirik ki, bu, ölkəmizdə keçirilən sonuncu beynəlxalq turnir deyil. Çalışacağıq ki, gələcəkdə yenə müxtəlif növlərdə qış olimpiadasında təmsil olunaq".
Qeyd edək ki, “Şahdağ” Beynəlxalq Xizək Alpinizmi yarışında 11 ölkənin 60-dək idmançısı mübarizə aparır.
Bölmənin digər xəbərləri
