AZƏRBAYCAN ALİMİ FİNLANDİYA ELMİ MƏRKƏZİNƏ ÜZV SEÇİLMİŞDİR
Dünya şöhrətli altayşünas- türkoloq, dilçi alim, Azərbaycan Milli Elmlər Akademiyasının üzvü, Türkiyənin Türk Dil Qurumunun fəxri üzvü, bir neçə beynəlxalq və milli akademiyaların akademiki, dünyanın bir sıra linqvistik və onomastik elmi komitə, cəmiyyət və təşkilatlarının həqiqi və ya fəxri üzvü, əməkdar elm xadimi, Dövlət mükafatı laureatı, professor Afat Qurbanov Helsinkidə yekdilliklə Finlandiyanın yüksək elmi mərkəzinə üzv seçilmişdir. Finlandiyanın Fin-uqor elmi mərkəzi -qədim tarixə və böyük şöhrətə malikdir. XIX əsrdən fəaliyyətə başlamış bu Elmi Mərkəzdə dünya dilçiliyinin bir çox problemləri öz həllini tapmışdır.
Vaxtı ilə Azərbaycan dilinin də aid edildiyi Ural-Altay dilləri ailəsinin bəzi nəzəri məsələləri burada müzakirə obyekti olmuş və problemə aydınlıq gətirilmişdir. Müasir altayşünaslığın inkişafında da Fin-uqor tədqiqatları xüsusi əhəmiyyətə malikdir.
Keçmiş Sovetlər İttifaqında fəaliyyət göstərmiş türkoloqlardan akademik N.Kononov Peterburq, Rusiya Elmlər Akademiyasının müxbir üzvü E.Tenişev Moskva, indi isə həmyerlimiz Afat Qurbanov bu elmi mərkəzə üzv seçilmişdir.
Bölmənin digər xəbərləri
