Azərbaycan alimləri beynəlxalq forumda çıxış etmişlər
Bakı, 31 oktyabr (AZƏRTAC). Azərbaycan Milli Elmlər Akademiyasının (AMEA) Folklor İnstitutunun əməkdaşları Tatarıstanın Kazan şəhərində keçirilən “Doğma dillərin və mədəniyyətlərin qorunması və inkişafı” mövzusunda II Beynəlxalq forumda iştirak etmişlər.
İnstitutun şöbə müdiri filologiya üzrə fəlsəfə doktoru Ağaverdi Xəlil AZƏRTAC-a bildirmişlər ki, forumun keçirilməsində məqsəd Rusiya Federasiyası, MDB ölkələri və xarici ölkələr arasında informasiya və tədqiqat tapıntılarının mübadiləsini artırmaqdır.
Forumda Rusiya, Almaniya, İngiltərə, Fransa, Belçika və digər ölkələrdən 1000-dən artıq alim, müəllim, aspirant, təhsil işçisi, habelə doğma dillərin və mədəniyyətlərin inkişafı problemlərinin nəzəri və praktiki tədqiqi ilə məşğul olan digər təşkilatların təmsilçiləri iştirak etmişlər.
Forum çərçivəsində keçirilmiş elmi-praktik konfransda A.Xəlil “Oğuz eposunda ritual və janrın struktur-tipoloji xüsusiyyətləri”, institutun böyük elmi işçisi Qalib Sayılov isə “Azərbaycan aşıq şeirində dini motivlər” mövzularında məruzələrlə çıxış etmişlər.
Bölmənin digər xəbərləri
