AZƏRBAYCAN CÜDOÇULARI SUPER DÜNYA KUBOKU YARIŞINDA İŞTİRAK EDƏCƏKLƏR
Azərbaycan Cüdo Federasiyasından AZƏRTAC-a bildirmişlər ki, fevrlaın 22-də Almaniyanın Hamburq şəhərində kişi və qadınlar arasında başlanacaq super dünya kuboku yarışında ölkəmiz 8 cüdoçu ilə təmsil olunacaqdır.
Yarışda Azərbaycanın idman şərəfini Elçin İsmayılov (66 kq), Elnur Məmmədli, Samir İsmayılov (hər ikisi 73 kq), Mehman Əzizov, Elxan Rəcəbli (hər ikisi 81 kq), Mövlud Mirəliyev (100 kq), Kifayət Qasımova (57 kq) və Ramilə Yusubova (63 kq) qoruyacaqlar.
Məşqçilər heyətinin qərarına əsasən, idmançılarımızdan Sərxan Əhmədov (60 kq), Ramil Qasımov (66 kq) və Elxan Məmmədova (90 kq) istirahət verilmişdir.
Turnirin ilk günü tatami üzərinə kişilər arasında 60, 66, qadınlar arasında isə 48, 52 kiloqram çəki dərəcələrində yarışan idmançılar çıxacaqlar.
Yarışlardan sonra idmançılarımız 4 günlük təlim-məşq toplanışlarına qatılacaqlar.
Bölmənin digər xəbərləri
