AZƏRBAYCAN DÖVLƏT FİLARMONİYASINDA YEKUN TƏDBİRİ
AZƏRTAC-ın müxbiri xəbər verir ki, Türkiyənin Azərbaycandakı səfiri Əhməd Ünal Çeviköz tədbiri açaraq, nəzərdə tutulan proqramın zəngin oldugunu xatırlatmış, onun həyata keçirilməsində iştirak edənlərə minnətdarlığını bildirmişdir.
Milli Məclis sədrinin müavini Ziyafət Əsgərov çıxışında xatırlatmışdır ki, 86 il bundan əvvəl Nuru Paşanın başçılığı ilə Bakı şəhəri erməni-daşnak-bolşevik tör-töküntülərindən təmizlənmişdir. Bu Türkiyə-Azərbaycan dostluğunun tarixində xüsusi yeri olan tarixi hadisədir. Parlament sədrinin müavini demişdir ki, Ermənistan-Azərbaycan, Dağlıq Qarabağ münaqişəsi başlayandan sonra da biz həmişə Türkiyənin dəstəyini hiss etmişik. Ulu öndərimiz Heydər Əliyevin dediyi kimi, biz bir millət, iki dövlətik. Bizim dostluğumuz əbədi və daimidir.
Sonra tədbirlər proqramının müxtəlif müsabiqələrinin - futbol turniri, rəsm və məqalələr, sponsorların fəaliyyəti üzrə qaliblərə mükafatlar verilmişdir. AZƏRTAC-ın əməkdaşı Sabir Şahtaxtıya çoxsaylı publisist məqalələrinə görə qiymətli hədiyyə və xüsusi sertifikat təqdim edilmişdir.
Türkiyədən Bakıya gələn Mehtoran bölüyü əzəmətli musiqinin sədaları altında salona daxil olmuşdur. Qonaqlar zəngin proqramla çıxış etmişlər.
Bölmənin digər xəbərləri
