Azərbaycan Dövlət Kamera Orkestri Filarmoniyada konsert verəcək
Bakı, 20 may, AZƏRTAC
Mayın 22-də Müslüm Maqomayev adına Azərbaycan Dövlət Akademik Filarmoniyasında Ümummilli Lider Heydər Əliyevin anadan olmasının 100 illiyinə həsr edilmiş Q.Qarayev adına Azərbaycan Dövlət Kamera Orkestrinin konserti olacaq.
Filarmoniyadan AZƏRTAC-a verilən məlumata görə, konsertdə bədii rəhbər və baş dirijor, Xalq artisti Fəxrəddin Kərimovun rəhbərliyi ilə Q.Qarayev adına Azərbaycan Dövlət Kamera Orkestri çıxış edəcək. Solist beynəlxalq müsabiqələr laureatı Natavan Mikayılqızının (qanun) ifasında T.Quliyevin “Səhər nəğməsi”, M.Kərimov, S.Əhmədova “Qanun və kamera orkestri üçün konsert”, “Natavana ithaf”, A.Vieuxtempsin “Tarantella”, A.Schnittkenin “Qoqol süitası” - Polka səsləndiriləcək.
Biletləri iTicket.az saytı və şəhərin kassalarından əldə etmək mümkündür.
Bölmənin digər xəbərləri
