AZƏRBAYCAN HƏKİMLƏRİNİN DAHA BİR QRUPU SƏUDİYYƏ ƏRƏBİSTANINA GEDƏCƏKDİR
Azərbaycanın Səudiyyə Ərəbistanı Məlikliyindənki səfirliyi respublikamızın mütəxəssislərinin bu ölkədə işlə təmin olunması sahəsində müntəzəm və məqsədyönlü tədbirlər görür.
Səfirlikdən AZƏRTAC-a bildirmişlər ki, ötən illər ərzində 70-dək azərbaycanlı həkim məlikliyin müxtəlif klinikalarında işə cəlb olunmuşdur. Bu sahədəki mövcud imkanlardan istifadə etməyə çalışan diplomatlarımızın səyləri nəticəsində ölkənin Səhiyyə Nazirliyi daha 75 nəfər azərbaycanlı həkimin işə cəlb olunmasına razılıq vermişdir. Onların qarşıdakı bir ay ərzində bu ölkəyə gedəcəyi gözlənilir.
Səudiyyə ərəbistanının və Yaxın Şərqin ən böyük neft kimyası şirkəti sayılan SABİK şirkətində, habelə Ər-Riyad universitetində və buradakı elmi mərkəzlərdə azərbaycanlı kimyaçılar və fiziklər də çalışırlar.
Bölmənin digər xəbərləri
