Nijnekamska PUA hücumu nəticəsində Özbəkistanın 7 vətəndaşı həlak olub
Moskva, 10 avqust, AZƏRTAC
Nijnekamska PUA hücumu nəticəsində Özbəkistanın 7 vətəndaşı həyatını itirib.
AZƏRTAC xəbər verir ki, bu barədə mediaya Özbəkistanın Kazandakı Baş Konsulluğundan məlumat verilib.
Bildirilib ki, onların meyitləri məhkəmə-tibbi ekspertiza başa çatdıqdan sonra vətənlərinə göndəriləcək.
Qeyd edək ki, son məlumatlara görə, Ukrayna Silahlı Qüvvələrinin Rusiya Federasiyasının Tatarıstan Respublikasının Nijnekamsk şəhərinə PUA hücumu nəticəsində 13 nəfər həlak olub, 70-dən çox insan tibbi yardım üçün müraciət edib, 21 yaralı xəstəxanaya yerləşdirilib.
Tatarıstanda həlak olanlarla əlaqədar matəm elan edilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
