Azərbaycan Həmkarlar İttifaqları Konfederasiyasında 20 Yanvar şəhidlərinin ailələri ilə görüş olmuşdur
Bakı, 11 yanvar (AZƏRTAC). Yanvarın 11-də Azərbaycan Həmkarlar İttifaqları Konfederasiyasında (AHİK) 20 Yanvar şəhidlərinin ailələri ilə görüş keçirilmişdir.
AZƏRTAC xəbər verir ki, görüşdə Azərbaycanın azadlığı, müstəqilliyi və ərazi bütövlüyü uğrunda həlak olmuş şəhidlərin xatirəsinin hər il dövlət səviyyəsində böyük ehtiramla yad edildiyi bildirmişdir. Ümummilli lider Heydər Əliyev tərəfindən 20 Yanvar şəhidlərinin xatirəsinin daim əziz tutulduğu, onların adlarının əbədiləşdirilməsi məqsədilə bir çox işlər görüldüyü qeyd edilmişdir. Prezident İlham Əliyev tərəfindən bu ənənənin davam etdirildiyi vurğulanmış, Qara Yanvar şəhidlərinin xatirəsinin uca tutulduğu, şəhid ailələrinin sosial məsələlərinin həllinə xüsusi diqqət göstərildiyi bildirilmişdir.
AHİK-in də bu istiqamətdə əlindən gələni əsirgəmədiyi vurğulanmışdır. Hər il olduğu kimi, bu il də 124 şəhid ailəsinin hər birinə 100 manat məbləğində maddi yardım edilmişdir.
AHİK sədri, Milli Məclisin deputatı Səttar Mehbalıyev şəhid ailələrinin qayğıları ilə maraqlanmış, onlara daim köməklik göstəriləcəyini diqqətə çatdırmışdır.
Bölmənin digər xəbərləri
