Azərbaycan ilə Pakistan arasında hərbi və hərbi-texniki sahələrdə əməkdaşlıq məsələləri müzakirə edilib

11.06.2018 [17:39]
Çap et
A⁺ A^-

İslamabad, 11 iyun, AZƏRTAC

Azərbaycanın Pakistandakı səfiri Əli Əlizadə bu ölkənin silahlı qüvvələrinin quru qoşunları komandanı, ordu generalı Qamar Javed Bajva ilə görüşüb.

AZƏRTAC xəbər verir ki, görüşdə Ermənistanın Azərbaycana qarşı təcavüzkar siyasəti, işğalçı ölkənin vaxtaşırı həyata keçirdiyi təxribatlar, Dağlıq Qarabağ və Kəşmir məsələlərinin BMT-nin qəbul olunmuş qətnamələri əsasında həllinin zəruriliyi haqqında söhbət açılıb, Pakistan ilə Azərbaycanın bir-birinə dəstəyinin davam edəcəyi vurğulanıb.

Görüşdə, həmçinin regionda sülh və sabitliyin təmin olunmasında ölkələrimizin göstərdiyi səylər, Azərbaycan ilə Pakistanın silahlı qüvvələri arasında hərbi və hərbi-texniki sahədə əməkdaşlığın daha da gücləndirilməsi yolları, qarşılıqlı səfərlərin həyata keçirilməsi, təcrübə mübadiləsinin artırılması və yeni birgə layihələrin icra olunması haqqında fikir mübadiləsi aparılıb.

Qulu Kəngərli

AZƏRTAC-ın xüsusi müxbiri

İslamabad