AZƏRBAYCAN İLƏ UKRAYNA ƏLAQƏLƏRİ BUNDAN SONRA DA İNKİŞAF EDƏCƏKDİR
Oqtay Əsədov demişdir ki, Azərbaycan ilə Ukrayna arasında əlaqələrin çox dərin, tarixi kökləri vardır və biz bu əlaqələrə böyük əhəmiyyət veririk. Münasibətlərimizin bugünkü yüksək səviyyəyə çatmasında dövlətlərimizin başçılarının xüsusi rolu olmuşdur. Onların qarşılıqlı səfərləri zamanı imzalanmış sənədlər əlaqələrimizin hərtərəfli inkişafı üçün geniş imkanlar yaratmışdır. Parlamentlərimiz də bu imkandan istifadə edərək, münasibətlərini daha da genişləndirməli və inkişaf etdirməlidir.
Sonra Milli Məclisin sədri Ukraynadakı azərbaycanlıların, eləcə də Azərbaycandakı ukraynalıların vəziyyətindən, onlar üçün yaradılmış şəraitdən, iqtisadi və mədəni əlaqələrdən danışmışdır.
İqor Kızima səmimi qəbula və xoş sözlərə görə minnətdarlığını bildirmiş, Oqtay Əsədovu Milli Məclisin sədri seçilməsi münasibətilə öz adından, Ukrayna parlamentinin sədri adından təbrik etmiş, bu məsul vəzifədə ona uğurlar arzulamışdır. Diplomat ölkələrimiz arasında əlaqələrin inkişafında dövlət başçılarımızın rolunu xüsusi vurğulamış, münasibətlərimizin indiki səviyyəsindən razılıqla danışmışdır.
Sonra görüşdə qarşılıqlı maraq doğuran digər məsələlər ətrafında fikir mübadiləsi aparılmışdır.
Bölmənin digər xəbərləri
