AZƏRBAYCAN-LİTVA ƏMƏKDAŞLIĞI İNKİŞAF EDİR
Oktyabrın 22-də ölkəmizin Ankaradakı səfirliyində “Azərbaycan Respublikası və Litva Respublikası arasında “Azadlıqdan məhrum etməyə məhkum olunmuş şəxslərin cəzanın qalan hissəsinin çəkilməsi üçün verilməsi haqqında” Müqavilənin və Azərbaycan Respublikası və Litva Respublikası arasında “Mülki, ailə və cinayət işləri üzrə hüquqi yardım və hüquqi münasibətlər haqqında” Müqavilənin Ratifikasiya sənədlərininin mübadiləsi aparılmış və bu barədə müvafiq protokollar imzalanmışdır. Qeyd olunan sənədlər 2002-ci il noyabrın 22-də qüvvəyə minəcək və hər iki ölkənin müvafiq təşkilatları tərəfindən həyata keçiriləcəkdir. Protokolları Azərbaycan Respublikasının Türkiyədəki səfiri Məmməd Əliyev və Litva Respublikasının Türkiyədə və eyni zamanda Azərbaycandakı səfiri xanım Qalina Kobeskayte imzalamışlar.
AZƏRTAC-ın xüsusi müxbirinə müsahibəsində xanım Qalina Kobeskayte Ratifikasiya sənədlərini iki ölkə arasındakı hüquqi sahədə əməkdaşlığın inkişafında əhəmiyyətli addım kimi dəyərləndirmişdir.
Tural Rzayev
AZƏRTAC-ın xüsusi müxbiri
Ankara
Bölmənin digər xəbərləri
