AZƏRBAYCAN MEA-DA GÖRÜŞ
Azərbaycan Milli Elmlər Akademiyasının prezidenti, akademik Mahmud Kərimov Rusiya Elmlər Akademiyası Dağıstan Elmi Mərkəzi Rəyasət Heyətinin sədri, REA-nın müxbir üzvü İbrahimxan Kamilovun başçılıq etdiyi, nümayəndə heyəti ilə görüşmüşdür.
Görüşdə qarşılıqlı surətdə faydalı əlaqələrin daha da inkişaf etdirilməsi məsələləri haqqında geniş müzakirələr aparıldı və birgə əməkdaşlığın hər iki tərəf üçün çox əhəmiyyətli olduğu vurğulandı.
Sonra Azərbaycan Milli Elmlər Akademiyası ilə Rusiya Elmlər Akademiyasının Dağıstan Elmlər Mərkəzi arasında ikitərəfli əməkdaşlıq haqqında müqavilə imzalandı.
Sonda qonaqlar Dağıstanda nəşr olunmuş Azərbaycanın görkəmli xadimlərindən və xalqımızın folklorundan bəhs edən kitabları AMEA-ya təqdim etdilər. Eyni zamanda, qonaqlara da ölkəmizlə bağlı kitab və jurnallar hədiyyə olundu.
Görüşdə Rusiya Elmlər Akademiyası Dağıstan Elmi Mərkəzi Rəyasət Heyəti sədrinin 1-ci müavini, fəlsəfə elmləri doktoru Abdul-Həmid Əliyev və REA DEM-in Dil, Ədəbiyyat və İncəsənət İnstitutunun direktoru, REA-nın akademiki Hacı Həmzətov və başqaları iştirak edirdilər.
Bölmənin digər xəbərləri
