AZƏRBAYCAN MİLLİ ELMLƏR AKADEMİYASI MƏTBUAT XİDMƏTİNİN MƏLUMATI
Martın 14-də Azərbaycan Milli Elmlər Akademiyası Rəyasət heyətinin iclasında erməni mənşəli ABŞ alimi Robert Hevsen tərəfindən Çikaqoda nəşr etdirilmiş və tarixi təhriflərlə dolu, Azərbaycan dövlətçiliyinin bu günü və gələcəyi üçün ciddi təhlükə yaradan “Ermənistan. Tarixi atlas” kitabı haqqında MEA-nın müxbir üzvü Fəridə Məmmədovanın məruzəsi dinlənilmişdir. Məruzəçi atlasda eramızdan əvvəl VIII əsrdən bu günə qədərki bütün dövrlərə aid Ermənistan ərazisini əks etdirən xəritələrdə qədim Azərbaycan torpaqlarının da Ermənistan ərazisi kimi verilməsinin ermənilərin tarixi saxtalaşdırmaq cəhdi, Azərbaycanın tarixi ərazi bütövlüyünə növbəti elmi təcavüz olduğunu bildirmişdir.
Geniş müzakirələrdən sonra AMEA-nın Rəyasət heyəti ABŞ aliminin kitabını Qafqazın tarixini saxtalaşdırmaq, xüsusən də Azərbaycanın tarixi ərazi bütövlüyünə qəsd istiqamətində ermənilərin yeni və təhlükəli fitnəkarlığı kimi qiymətləndirmiş, Azərbaycan elmi ictimaiyyətinin qəti etirazını YUNESKO-ya və başqa beynəlxalq təşkilatlara çatdırılmasını, bu kitabın dünya ictimaiyyətində, o cümlədən elmi ictimaiyyətdə doğuracağı yanlış təsəvvürün qarşısını almaq üçün “Azərbaycan tarixi çoğrafiyası” monoqrafiyasının yenidən yazılaraq, ingilis və rus dillərində nəşr edilməsini qərara almışdır.
Bölmənin digər xəbərləri
