Azərbaycan millisinə baş məşqçi təyin olunan türk mütəxəssis ictimaiyyətə təqdim olunub
Bakı, 16 may, AZƏRTAC
Qadın voleybolçulardan ibarət Azərbaycan millisinin baş məşqçisi postuna təyin olunan türk mütəxəssis Ataman Güneyligil mayın 16-da ictimaiyyətə təqdim olunub.
AZƏRTAC xəbər verir ki, 41 yaşlı təcrübəli mütəxəssis Türkiyənin qadınlardan ibarət U-20 və U-23 yığmalarında, eləcə də müxtəlif klublarda çalışıb, bir sıra nailiyyətlər əldə edib.
Ataman Güneyligilin rəhbərliyi altında Türkiyənin U-23 komandası 2017-ci ildə dünya çempionatında qızıl, ölkənin əsas yığması isə “Yeltsin kuboku”nda bürünc medal qazanıb.
Azərbaycan Voleybol Federasiyası məşqçi ilə üç aylıq müqavilə imzalayıb.
Bölmənin digər xəbərləri
