Azərbaycan-Moldova parlamentlərarası əməkdaşlıq məsələləri müzakirə olunub
Kişineu, 10 fevral, AZƏRTAC
Fevralın 10-da Azərbaycanın Moldovadakı səfiri Qüdsi Osmanov bu ölkənin parlamentinin sədri Zinaida Qreçanı ilə görüşüb.
Səfirlikdən AZƏRTAC-a bildiriblər ki, görüş zamanı iki ölkənin parlamentləri arasında əməkdaşlıq münasibətlərinin inkişafı ətrafında fikir mübadiləsi aparılıb. Azərbaycan və Moldova parlamentlərində fəaliyyət göstərən dostluq qrupları arasında birgə və səmərəli fəaliyyətin davam etdirilməsi perspektivləri müzakirə edilib. Bundan başqa, diaspor fəaliyyətinə dair də danışılıb.
Sədr təəssüflə qeyd edib ki, pandemiya səbəbindən Azərbaycana nəzərdə tutulan səfəri indiyədək reallaşa bilməyib.
Z.Qreçanı yüksək templə inkişaf edən Moldova-Azərbaycan münasibətlərindən məmnunluq ifadə edib, pandemiya ilə əlaqədar təxirə salınmış qarşılıqlı səfərlərin yaxın gələcəkdə davam etdirilməsinə ümidvar olduğunu qeyd edib.
Görüşdə, həmçinin Moldovadakı Azərbaycanlılar Konqresinin sədri Elçin Bayramov da iştirak edib.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
