Azərbaycan Mühasiblər və Risk Peşəkarları Assosiasiyası vebinar təşkil edəcək
Bakı, 12 yanvar, AZƏRTAC
Yanvarın 16-da Azərbaycan Mühasiblər və Risk Peşəkarları Assosiasiyası (ARPA) “İşçilərin İcbari Sığortası” (İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta) mövzusunda vebinar keçirəcək.
ARPA-dan AZƏRTAC-a bildirilib ki, vebinarda “Atəşgah Sığorta” şirkətinin korporativ mütəxəssisi, “Peşəkar Sığortaçı” sertifikatının sahibi və Kiçik və Orta Biznesin İnkişafı Agentliyində, həmçinin “Universitas International” təlim şirkətində sığorta üzrə təlimçi Ramidə Alıyeva təqdimatçı qismində çıxış edəcək. Vebinar “Zoom” proqramı vasitəsilə saat 15:00-da keçiriləcək.
Vebinarda iştirak etmək üçün “https://forms.gle/AkgioZtqyYKMk79C6” linki vasitəsilə qeydiyyatdan keçmək olar.
Bölmənin digər xəbərləri
