Azərbaycan nümayəndə heyətinin rəhbəri AŞPA-nın Konservatorlar Partiyasının sədri seçilib
Paris, 4 noyabr, AZƏRTAC
Avropa Şurası Parlament Assambleyasının (AŞPA) siyasi komitəsinin büro iclasında Avropa Konservatorlar Partiyasının sədri Kristofer Çopun səlahiyyətlərinə xitam verilib və o, partiyanın sədri vəzifəsindən geri çağırılıb. Avropa Şurasında Avropa Konservatorlar Partiyasının sədr müavini, bu qurumda Azərbaycan nümayəndə heyətinin rəhbəri Səməd Seyidov sədr təyin edilib.
Xatırladaq ki, AŞPA siyasi bürosunda partiyaların fəaliyyəti xüsusi əhəmiyyət kəsb edir. Qurumda beş siyasi partiya fəaliyyət göstərir və Azərbaycan nümayəndə heyəti üzvlərinin əksəriyyəti Avropa Konservatorlar Partiyasının üzvüdür.
Beləliklə, Azərbaycan nümayəndə heyətinin rəhbəri Səməd Seyidov 2016-cı il yanvarın 25-dək Avropa Şurasının ən mühüm qurumlarında - prezident komitəsində, büro iclaslarında Avropa Şurasını təmsil edəcək və beş partiyanın sədrləri ilə birgə qurumun siyasətini formalaşdıranlardan biri olacaq.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
