AZƏRBAYCAN PƏHLƏVANI NAMİQ SEVDİMOV SƏRBƏST GÜLƏŞ ÜZRƏ HƏRBÇİLƏR ARASINDA DÜNYA ÇEMPİONU OLDU
Noyabrın 1-də yarışa sərbəst güləşçilər qoşulmuşlar. 55 kiloqram çəkidə mübarizə aparan Azərbaycan pəhləvanı Namiq Sevdimov finalda suriyalı Firas əl Rifaeyə qalib gələrək fəxri kürsünün ən yüksək pilləsinə qalxmışdır.
Digər görüşdə rusiyalı Alan Dudayev (66 kq) finalda Polşa idmançısı Adam Solirajı udaraq qızıl medala layiq görülmüşdür.
84 kiloqram çəkidə isə rusiyalı Georgi Ketoyev Türkiyə güləşçisi Serhat Balçını məğlub edərək dünya çempionu olmuşdur.
Nəhayət, çəkisi 120 kiloqram olan idmançıların mübarizəsində rusiyalı Soslan Qaqloyev Belarus idmançısı Maksim Mixayloviçə qalib gələrək turnirin baş mükafatını əldə etmişdir.
Noyabrın 2-də - yarışın sonuncu günü döşək üzərinə 60, 74 və 96 kiloqram çəki dərəcələrində mübarizə aparan idmançılar çıxacaqlar.
Bölmənin digər xəbərləri
