AZƏRBAYCAN QOCYU-RYU KARATEÇİLƏRİ HİNDİSTANI VALEH ETDİLƏR
İdmançılarımız bir daha sübut etdilər ki, Azərbaycanda karate məktəbinin ənənələri həmişə yüksək səviyyədə olmuşdur. Bunu AZƏRTAC-a
Azərbaycan Qocyu-ryu, Okinava və Kobudo növləri üzrə Karate Federasiyasının prezidenti Tanrıverdi Allahverdiyev bildirmişdir. Hindistanda Qocyu-ryu, Okinava karate növləri üzrə keçirilən dünya çempionatının sonuncu günü nümunəvi çıxışlarda bacarığını nümayiş etdirən Azərbaycan yığması 16 ölkə arasında birinci yeri tutmuşdur.
Yarışda idmançılarımızın çıxışı o dərəcədə uğurlu olmuşdur ki, Beynəlxalq Okinava və Qocyu-ryu Karate-do Federasiyasının prezidenti bir neçə dəfə ölkəmizin adını səsləndirərək, yığmamızın çıxışını heyrətamiz adlandırmışdır.
Yeniyetmələrin şəxsi birinciliyində Hüseyn Balakişiyev birinci, Qismət Cəbizadə isə ikinci yeri tutmuşlar. Gənclərin mübarizəsində isə Ümid Əliyev gümüş medala layiq görülmüşdür.
Bölmənin digər xəbərləri
