AZƏRBAYCAN RESPUBLİKASININ BAŞ NAZİRİ CƏNAB İLHAM ƏLİYEVƏ
Azərbaycan Respublikasının Baş naziri vəzifəsinə təyin olunmağınız münasibətilə Sizə səmimi və ürəkdən gələn təbriklərimi yetirir, qarşınızda duran məsul vəzifələrin yerinə yetirilməsi ilə bağlı ən xoş arzularımı bildirirəm.
Əminəm ki, yüksək səriştəliliyiniz, prinsipiallığınız və məsuliyyətliliyiniz, həyatda qazandığınız müdriklik, təcrübə və biliyiniz Azərbaycanın rifahı və tərəqqisi naminə bütün niyyətlərinizin gerçəkləşməsinin rəhni olacaqdır.
İcazə verin, habelə ümidvar olduğumu bildirim ki, Sizin bu yüksək vəzifəyə təyin edilməyiniz Müstəqil Dövlətlər Birliyi çərçivəsində əməkdaşlığın inkişafına və möhkəmlənməsinə əlavə təkan verəcəkdir.
Möhtərəm İlham Heydər oğlu, Sizə uzun illər möhkəm cansağlığı, xoşbəxtlik və könül xoşluğu arzulayıram.
Hörmətlə,
Yuri Yarov
Müstəqil Dövlətlər Birliyi İcraiyyə Komitəsinin
sədri – icraçı katibi Minsk, 4 avqust 2003-cü il.
Bölmənin digər xəbərləri
