AZƏRBAYCAN SİLAHLI QÜVVƏLƏRİNİN NÜMAYƏNDƏLƏRİ NATO-NUN TƏDBİRLƏRİNDƏ İŞTİRAK EDİRLƏR
NATO ilə Azərbaycan Respublikası arasında imzalanmış fərdi proqrama uyğun olaraq, “Sülh naminə tərəfdaşlıq” proqramı çərçivəsində noyabrın 18-dən 22-dək Oberammerqau şəhərində silahlara nəzarətin yerinə yetirilməsi üzrə tanışlıq kursu, Bukeburq şəhərində (hər ikisi Almaniya) NATO-nun Standartlaşdırma Agentliyinin işçi qrupunun 24-cü görüşü, Kriye şəhərində (Fransa) “Vyana sənədi - 99” çərçivəsində inspektorlar üçün kurs, San Diyeqo şəhərində (ABŞ) “Peaseshield-03” çoxmillətli sülhməramlı səhra təliminin ilkin planlaşdırma konfransı, noyabrın 18-dən 29-dək Ankara şəhərində “Silahlı münaqişələrdə hüquq” mövzusunda kurs və Gölçük şəhərində (Türkiyə) dənizdə minalar üzrə kurs keçirilir.
Müdafiə Nazirliyinin mətbuat xidmətindən bu barədə aldığımız məlumatda bildirilir ki, tədbirlərdə Azərbaycan Respublikası Silahlı Qüvvələrinin nümayəndələri də iştirak edirlər.
Bölmənin digər xəbərləri
