AZƏRBAYCAN TAEKVONDOÇULARI AVROPA ÇEMPİONATINDA İŞTİRAK EDƏCƏKLƏR
Mayın 26-28-də keçiriləcək yarışlarda ölkəmizi baş məşqçi Ələkbər İmaməliyev və məşqçi Gündüz Abdullayevin rəhbərliyi ilə Zahid Məmmədov (54 kq), Elnur Amanov (58 kq), İlkin Şahbazov (62 kq), Niyaməddin Paşayev (67 kq), Fuad Nuriyev (72 kq), Rəşad Əhmədov (78 kq), Təvəkkül Bayramov (84 kq), Fəqan Umudov (+84 kq), Şəhrun Yusifova (47 kq), Leyla Yusubova (52 kq), Arzu Bağırova (57 kq) və Yelena Abbasova (63 kq) təmsil edəcəklər.
Məşqçilər dünya və ikiqat Avropa çempionu Niyaməddin Paşayevin, Avropa çempionatının ikiqat gümüş medalçısı Elnur Amanovun və dünya çempionatının bürünc medalçıları Təvəkkül Bayramov və Zahid Məmmədovun Vətənə medalla dönəcəklərinə daha çox ümid bəsləyirlər. Nümayəndə heyətimiz Avropa Taekvondo Birliyinin 30 illik yubileyi ilə əlaqədar keçiriləcək tədbirlərdə də iştirak edəcəkdir.
Bölmənin digər xəbərləri
